Փետրվարին մինչև 30 հազար դրամի գազ, և մինչև 10 հազար դրամի էլ.էներգիա սպառած բաժանորդների գումարի 30 տոկոսը կտրամադրվի բյուջեից

Կառավարության որոշմամբ, հաստատվել  է կորոնավիրուսի տնտեսական հետևանքների չեզոքացման տասներկուերորդ միջոցառումը։  Առաջարկվել  է Հանրային ծառայությունները կարգավորող հանձնաժողովին մինչև 2020 թվականի ապրիլի 17-ը կազմակերպել միջոցառման իրականացումը:

Ըստ որոշմանը կցված հավելվածի, փետրվարին 10-30 հազար դրամի գազ սպառած, ինչպես նաև 5-10 հազար դրամի էլեկտրաէներգիա սպառած բաժանորդների գումարի 30 տոկոսը կվճարվի պետբյուջեից։