ԱՀԿ ղեկավարը նշել է կորոնավիրուսով պայմանավորված սահմանափակումները հանելու պայմանները

Առողջապահության համաշխարհային կազմակերպության ղեկավար Թեդրոս Գեբրեյեսուսը պատմել է, թե որ պայմաններում երկրները կարող են հանել սահմանափակող միջոցառումները, որոնք մտցվել են կորոնավիրուսի պատճառով։  Գազետա.ռու-ի հաղորդմամբ, այդ մասին նա ասել է մամուլի ասուլիսի ժամանակ։

Նրա խոսքով, իշխանությունները պետք է համոզված լինեն, որ իրենք վերահսկում են հիվանդության և մարդուց մարդ վիրուսի փոխանցման հետ կապված իրավիճակը:

Գեբրեյեսուսն ընդգծել է, որ առողջապահության համակարգը պետք է կարողանա հայտնաբերել, փորձարկել, մեկուսացնել և բուժել կորոնավիրուսի յուրաքանչյուր դեպք:

Բացի այդ, ԱՀԿ ղեկավարը հայտարարել է բժշկական հաստատություններում կորոնավիրուսների բռնկման ռիսկը նվազագույնի հասցնելու անհրաժեշտության մասին, ինչպես նաև կանխարգելիչ միջոցառումներ նախաձեռնել հանրային վայրերում, ներառյալ աշխատատեղերում և դպրոցներում:

Նրա խոսքով, վիրուսը տարածվում է «ավելի արագ, քան դանդաղում է»:

«Այս առումով, սահմանափակող միջոցները պետք է դանդաղորեն հանվեն, և այդ գործընթացը պետք է վերահսկվի: Դա չպետք է տեղի ունենա միանգամից»,- ասել է Գեբրեյեսուսը։

Նա նաև նշել է, որ որ երկրները պետք է հաղթահարեն ներմուծված վարակների ռիսկը: