Ռուսաստանում մեկ օրում գրանցվել է կորոնավիրուսի 2774 դեպք

Ռուսաստանի 51 շրջաններում նոր կորոնավիրուսով վարակվածների թիվն աճել է 2774-ով: Այս մասին, ինչպես գրում է Gazeta-ն, հայտնել է Օպերատիվ շտաբը:

Այս թվից 1489 դեպքը եղել է Մոսկվայում, 460-ը՝ արվարձաններում:

Այսպիսով, վարակվածների ընդհանուր թիվը 82 մարզում հասել է 21 102-ի:

Օրվա ընթացքում 22 մարդ է մահացել․ ամբողջ ժամանակահատվածում գրանցվել է 170 մահվան դեպք: Վերականգնվել է ընդհանուր առմամբ 1694 մարդ:

Նշենք, որ կորոնավիրուսով վարակվածների գլոբալ թիվը հասնում է 2 միլիոնի։