«Ռոմայի» ֆուտբոլիստներն ու մարզիչները հրաժարվել են 4 ամսվա աշխատավարձից

Իտալական «Ռոմա» ակումբի մարզչական շտաբը՝ պորտուգալացի Պաուլու Ֆոնսեկայի գլխավորությամբ, նաև թիմի խաղացողները հրաժարվել են չորս ամսվա աշխատավարձից՝ մարտ, ապրիլ, մայիս և հունիս։ Վեստի.ռու-ի հաղորդմամբ, դա կօգնի ակումբին հաղթահարել կորոնավիրուսի համավարակով պայմանավորված տնտեսական ճգնաժամը։ Ակումբի ղեկավարությունը ևս կհրաժարվի այդ ժամանակաշրջանի իր աշխատավարձից։

Իտալիայի առաջնությունը, ինչպես և եվրոպական լիգաների մեծամասնությունը, դադարեցվել է կորոնավիրուսի տարածման սպառնալիքի պատճառով։