Նյու-Յորքի բնակիչները դատի են տվել ԱՀԿ-ին

ԱՄՆ շրջաններից Նյու-Յորքն է ամենաշատը տուժել կորոնավիրուսից։ Քաղաքի բնակիչները կոլեկտիվ հայց են ներկայացրել Առողջապահության համաշխարհային կազմակերպության դեմ։ Նրանք մեղադրում են կազմակերպությանը COVID-19- ի հետ կապված իրավիճակում անփութության մեջ:

360tv.ru-ն, հղում անելով The Guardian-ին, գրում է, որ Նյու-Յորքի բնակիչների հայցում նշվում է՝ ԱՀԿ-ն ժամանակին չի տրամադրել նոր հիվանդության մասին տեղեկատվություն, որը հանգեցրել է բազմաթիվ մահերի:

Ամերիկացիները պահանջել են, որ ԱՀԿ-ն փոխհատուցի վնասը, որը հասցվել է շրջանի 756 հազար տարեց բնակիչներին։

«Առողջապահության համաշխարհային կազմակերպության անզգույշ ցուցումները և բացթողումները հայցվորներին պատճառել է վնաս»,- նշված է հայցվորների փաստաթղթում։

Նյու Յորքի շրջանի բնակիչները մեղադրել են նաև ԱՀԿ-ին, որ չի կարողացել պատշաճ կերպով վերահսկել Չինաստանում կորոնավիրուսի դեմ պայքարը, մասնավորապես Հուբեյում և Ուհանում տեղի ունեցած իրադարձությունները, որոնք դարձել են համաճարակի օջախներ: