Բելառուսում կորոնավիրուսից զոհերի թիվը 67 է

Կորոնավիրուսով վարակվածների թիվը Բելառուսում մեկ օրում ավելացել է 817-ով՝ հասնելով 9,59 հազարի: Սա ամենամեծ աճն է հանրապետությունում հիվանդության տարածումից ի վեր: Մահացել է 67 մարդ: Ըստ  «ՌԻԱ նովոստի»-ի, այդ մասին  հայտնել է Առողջապահության նախարարության մամուլի ծառայությունը:

Երեկ՝ ուրբաթ օրը Բելառուսում արձանագրվել էր վարակման 8.773 և մահվան 63 դեպք:

«9,590 մարու մոտ արձանագրվել է թեստավորման  դրական դեպքեր: Ընդհանուր առմամբ անցկացվել է 139.295 թեստավորում: Երկրում վարակի տարածման ամբողջ ժամանակահատվածում 67 հիվանդ է մահացել կորոնավիրուսի վարակի հետ կապված մի շարք քրոնիկ հիվանդություններից», - ասվում է մամուլի ծառայության հաղորդագրության մեջ:

Այսպիսով, հանրապետությունում վերջին օրվա ընթացքում գրանցվել է COVID-19- ով վարակվածության առավելագույն աճ: Նախորդ օրվա ընթացքում աճը կազմել էր 751-ով: