Կորոնավիրուսով վարակված 94-ամյա Հրանուշ մայրիկը դուրս է գրվել

Երեկ բուժման բարեհաջող ավարտից հետո դուրս է գրվել մինչ օրս հաստատված ամենատարեց Covid-19 դրական պացիենտը՝ 94-ամյա Հրանուշ մայրիկը: Այս մասին հայտնում է առողջապահության նախարարության մամուլի խոսնակ Ալինա Նիկողոսյանը։ 

Հիշեցնենք, որ ապրիլի 29-ի ժամը 11։00-ի դրությամբ Հայաստանում կորոնավիրուսով վարակվածների թիվը հասել էր 1932-ի։ Նրանցից 900-ն առողջացած են, 30-ը` մահվան ելքով: