Մերկել. ԵՄ-ի ստեղծած COVID-19-ի պատվաստանյութերը հասանելի կլինեն ամբողջ աշխարհում

Գերմանիայի կանցլեր Անգելա Մերկելը հայտարարել է, որ կորոնավիրուսային վարակի դեմ ԵՄ-ի կողմից ստեղծված պատվաստանյութերը հասանելի կլինեն ամբողջ աշխարհում, փոխանցում է «Գազետա.ռու»-ն։

Միևնույն ժամանակ, նա շեշտել է, որ Գերմանիան ստանձնում է այդ պատասխանատվությունը:

Ըստ քաղաքական գործչի, պատվաստանյութի մշակումը ներկայումս պահանջում է 8 միլիարդ եվրո: Նա հավաստիացրել է, որ Գերմանիան «զգալի ֆինանսական ներդրում կունենա այդ գործում»:

Կանցլերը նշել է, որ պատվաստանյութերի մշակման աշխատանքները ֆինանսավորվում են ոչ միայն կառավարության, այլ նաև մասնավոր հիմնադրամների կողմից:

Նրա խոսքով, Գերմանիան նաև անհամբերությամբ սպասում է ԱՀԿ-ի հետ համագործակցությանը, քանի որ վերջինս առանցքային դեր է խաղում այս հարցում։

Վերջին տվյալներով՝ Գերմանիայում կորոնավիրուսով վարակվել է 161,703 մարդ, մահացել է 6,5 հազարը: