Ապրիլին Ryanair- ի ուղևորները նվազել են 99,6% -ով, իսկ Wizz Air-ինը՝ 97.6% -ով

Ապրիլին Եվրոպայի խոշորագույն բյուջետային ավիաընկերություն Ryanair-ը գրանցել է ուղևորների 99,6% անկում, մինչդեռ Wizz Air- ը, որն ավելի փոքր փոխադրող է, գրանցել է  97,6%  անկում, քանի որ նոր կորոնավիրուսի համաճարակի պատճառով դադարեցվել են  թռիչքների մեծ մասը Եվրոպայում: Այս մասին գրում է Reuters-ը։

Ryanair- ը հայտնել է, որ ապրիլին տեղափոխել է 40,000 ուղևոր՝ համեմատած 2019 թվականի նույն ամսվա ընթացքում իր 13,5 մլն-ի հետ: Նշվում է, որ մայիս-հունիս ամիսներին սպասվող թվերի քանակը նվազագույնի վրա կմնա՝ շարունակվող ճանապարհորդական սահմանափակումների պատճառով:

Wizz Air-ը հայտնել է, որ ապրիլին այն փոխադրել է 78 389 ուղևոր՝ 2019 թվականի համեմատական ժամանակահատվածում 3,3 միլիոնի հետ, բայց կանխատեսում է ցուցանիշների բարելավում այս ամիս, քանի որ այն դարձավ եվրոպական առաջին ավիաընկերություններից մեկը, որը մայիսի 1-ին վերսկսեց առևտրային երթուղիները Լոնդոնից և Վիեննայից:

Ընկերությունում նաև նշել են, որ նախատեսում են գործարկել նոր ուղի Աբու Դաբիի  և Մերձավոր Արևելքի ու Արևելյան Եվրոպայի միջև։