Սմբատ Գոգյանն ԲՈԿ նախագահի պաշտոնից ազատման դիմում է ներկայացրել

Սմբատ Գոգյանը Բարձրագույն որակավորման կոմիտեի (ԲՈԿ) նախագահի պաշտոնից ազատման դիմում է ներկայացրել:

«Նոր եմ դիմումը գրել, մեկ ժամ չկա», - Aysor.am-ի թղթակցի հետ զրույցում ասել է ԲՈԿ-ի՝ արդեն նախկին ղեկավարը:

Աշխատանքից ազատման դրդապատճառների մասին Սմբատ Գոգյանը չի ցանկացել այս պահին բարձրաձայնել՝ միաժամանակ նշելով, որ այդ մասին կխոսի առաջիկայում:

Սմբատ Գոգյանը ԲՈԿ նախագահի պաշտոնում նշանակվել էր 2018 թվականի հունիսի 12-ին: