30.05.2020. Կորոնավիրուսի վարակի հայտնաբերման 251 նոր դեպք, մահացել են 10-ը

Նախորդ օրվա ընթացքում կորոնավիրուս է հաստատվել ևս 251 մարդու մոտ, մեկ օրվա ընթացքում մահացել է կորոնավիրուսով 10 հիվանդ, որից երեքն, ըստ առողջապահության նախարարության՝ «այլ հիվանդություններից»։

Մեկ օրվա ընթացքում առողջացել է ընդամենը 20 մարդ։

Առողջապահության նախարարությունից մահվան դեպքերի վերաբերյալ հայտնում են, որ պացիենտները եղել են 61 (կին), 82 (տղամարդ), 73 (տղամարդ), 70 (տղամարդ), 75 (տղամարդ), 76 (տղամարդ), 64 (տղամարդ) տարեկան: Բոլորն ունեցել են ուղեկցող քրոնիկական հիվանդություններ:

Ըստ ԱՆ-ի՝ կա «մահվան 3 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 48 է»:

Այսպիսով՝ մայիսի 30-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 8927 դեպք, որոնցից 3317-ն` առողջացած, 175-ը` մահվան ելքով, որոնցից «48 կորոնավիրուսով հիվանդ մահացել է այլ հիվանդություններից»։