Ամենից շատ կարդացված նյութեր
.jpg "Վաղն ունենալու ենք տեղական արտադրության թեստերի առաջին խմբաքանակը. Ավինյան")
Վաղն ունենալու ենք տեղական արտադրության թեստերի առաջին խմբաքանակը. Ավինյան
Կորոնավիրուսի դեմ պայքարի տրամաբանությունը կառուցվել է փուլային ռազմավարությամբ և համավարակի տարածման տարբեր փուլերում ունեցել ենք որոշակի ճշգրտումներ: Այս մասին պարետատան նիստից հետո տեղի ունեցած ճեպազրույցում ասաց ՀՀ փոխվարչապետ, պարետ Տիգրան Ավինյանը։
Նա հայտնեց, որ մեկնարկել է տեղական թեստերի արտադրությունը։
«Մենք նաև նախաձեռնել ենք թեստերի արտադրություն ՀՀ-ում: Թեստերի արտադրությունն արդեն իսկ մեկնարկել է և վաղն առաջին խմբաքանակը՝ 350 թեստ, հանձնվելու է Համաճարակների վերահսկման և կանխարգելման ազգային կենտրոնին»,- ասաց նա։
Պարետի խոսքով՝ այս պահի դրությամբ առողջապահական համակարգը սպասարկում է բավականին մեծ ծավալով դեպքերի:
Խոսելով առաջիկա ռազմավարությունից, Տիգրան Ավինյանը հայտնեց, որ հաշվի են առնվելու երկրում տիրող առողջական և տնտեսական վիճակը:
«Իրականում սահմանափակումների ռեժիմի վերադարձը ծայրահեղ մեթոդ է, այս փուլում նմանատիպ որոշում դեռ չունենք: Հետևում ենք միջազգային գործընկեր պետությունների կողմից վարվող քաղաքականության տրամաբանությանն ու փուլերին: Փաստացի նաև մեր գործընկերների հետ քննարկում ենք ավիափոխադրումների վերականգնման հարցը և այլն»,- նշեց նա։
Տիգրան Ավինյանի փոխանցմամբ՝առաջիկա նիստերին կքննարկվի նաև զբոսաշրջության ոլորտի հետ կապված քայլերի պլանավորման և օդային հաղորդակցության վերաբացման հնարավորության հարցը:
«Ենթադրվում է, որ նախնական ժամկետները լինելու են հուլիսի կեսերից, նաև համապատասխան կանոններ կմշակվեն, որոնք կնվազեցնեն վարակի տարածման ռիսկը զբոսաշրջության ոլորտում»,-ասաց պարետը:
Studio One