Ամենից շատ կարդացված նյութեր

11:29 02/06/2020

«Սուրբ Գրիգոր Լուսավորիչ» ԲԿ-ից դուրս է գրվել կորոնավիրուսից ապաքինված 101-ամյա կինը

1919 թվականին ծնված Սիմոնյան Նազանին մայիսի 16-ին Նորքի տուն-ինտերնատից նոր կորոնավիրուսային վարակ նախնական ախտորոշմամբ տեղափոխվել էր Սուրբ Գրիգոր Լուսավորիչ բժշկական կենտրոն: Հետազոտությունների արդյունքում ախտորոշվեց կորոնավիրուսային հիվանդություն` երկկողմանի թոքաբորբով:

Սուրբ Գրիգոր Լուսավորիչ բժշկական կենտրոնից հայտնում են, որ վիճակը գնահատվել է ծանր` հաշվի առնելով նաև տարիքը:

Մեկ շաբաթից ավելի նա գտնվել է Վերակենդանացման բաժանմունքում, ստացել է համարժեք դեղորայքային բուժում, վիճակի որոշակի կայունացումից հետո տեղափոխվել է ինտենսիվ թերապիայի բլոկ` բուժումը շարունակելու: Բուժման ավարտին թեստի կրկնակի բացասական պատասխանից հետո Նազանի Սիմոնյանը լիարժեք բուժված դուրս է գրվել:

Placeholder