Ռեկորդային խնդրագիր

Սևամորթ Ջորջ Ֆլոյդի սպանության մեջ մեղավորներին պատժելու խնդրագիրը  դարձել է Change.org  ծառայության  պատմության մեջ ամենահայտնին։ Դիմումը հավաքել է ավելի քան 15 միլիոն ստորագրություն, և սա դեռ վերջը չէ։ Մարդիկ շարունակում են միանալ  պահանջին։

360tv.ru-ի հաղորդմամբ, դիմումն առաջինը տեղադրել է Change.org-ում ԱՄՆ 15-ամյա մի բնակչուհի: Առ-ցանց խնդրագրով աղջիկը դիմել է Մինեապոլիսի  քաղաքապետին և շրջանային դատախազին  և պահանջել պատժել ոստիկաններին, որոնք կապ են ունեցել սևամորթ ամերիկացու մահվան հետ։
Երեք օրում գրառումը գրեթե 6 միլիոն ստորագրություն էր հավաքել, իսկ աժմ  արդեն անցել է 15 միլիոնից։

Հիշեցնենք, որ  աֆրոամերիկացի Ջորջ Ֆլոյդը մահացել է ոստիկանական գործողությունների հետևանքով մայիսի 25-ին։ Դրանից հետո ամերիկյան քաղաքներում  սկսել են բողոքի ցույցեր և անկարգություններ, որոնց ընթացքում արդեն 11 մարդ է մահացել։