Այո, արտակարգ դրությունը կերկարացվի.Նիկոլ Փաշինյան

Արտակարգ դրության երկարացման հավանականությունը մեծ է: Այս մասին պարետատան նիստից հետո ճեպազրույցի ընթացքում պատասխանելով լրատվամիջոցների հարցերին, ասաց ՀՀ վարչապետ Նիկոլ Փաշինյանը:

«Կարծում եմ , այո, արտակարգ դրությունը կերկարացվի»,-ասաց Փաշինյանը:

Անդրադառնալով քաղաքացիների դժգոհություններին առ այն, որ պոլիկլինիկաներում սպասարկումը թերի է և արդյունավետ չեն աշխատում, վարչապետն արձագանքեց.

«Առհասարակ ամենամեծ առողջապահական խնդիրը առողջության առաջնային օղակների արդյունավետության բարձրացման մեջ է եղել: Այստեղ առաջնորդվում ենք ճնգնաժամը՝ որպես հնարավորություն հայեցակարգով և հույս ունենք,որ լուրջ ներդրումներ կանենք պոլիկլինիկական համակարգում ՝ ուժեղացնելով այն: Կունենանք ավելի դիվերսիֆիկացված առողջապահական համակարգ: Ամեն օր ավելի քիչ ահազանգեր ենք ստանում»,-ասաց վարչապետը միևնույն ժամանակ  անդրադառնալով բուժաշխատողների աշխատավարձերին. տեղեկացրեց, որ դեռ նախորդ տարվանից շատ աշխատողների, այդ թվում ՝ պոլիկլինիկաների աշխատողների աշխատավարձերը բարձրացվել են, սակայն այդ  հարցը այժմ էլ քննարկվում է: