Փետրվարի 26-ից ի վեր առաջին անգամ Վրաստանում կորոնավիրուսի նոր դեպքեր չեն գրանցվել

Փետրվարի 26-ից ի վեր առաջին անգամ Վրաստանում վերջին 24 ժամվա ընթացքում կորոնավիրուսի նոր դեպքեր չեն արձանագրվել: Այս մասին, վրացական Առաջին ալիքի հաղորդմամբ, հայտարարել է Թբիլիսիի ինֆեկցիոն հիվանդանոցի բժշկական տնօրեն Մարինա Էզուգբայան:

Վրաստանում կորոնավիրուսից ապաքինվել է ևս 20 պացիենտ: Այսպիսով, այս պահի դրությամբ Վրաստանում հաստատված է նոր կորոնավիրուսի 879 դեպք: Ապաքինվածների ընդհանուր թիվը կազմում է 724:

Կորոնավիրուսի հետևանքով մահացել է 14 պացիենտ:

Կարանտինի ռեժիմում է մնում 2710 մարդ, ստացիոնար հսկողության տակ՝ 267-ը: