Գագիկ Ծառուկյանը դուրս եկավ դատարանից

ԲՀԿ առաջնորդ Գագիկ Ծառուկյանը Երևանի ընդհանուր իրավասության դատարանի Շենգավիթի նստավայրից դուրս եկավ։ 

«Ինձ համար ամեն ինչ շատ զարմանալի է։ Պատմություն մեջ չկա ընտրակաշառքով մարդ կալանավորել»,- ասաց նա։ 

Գ.Ծառուկյանը  հայտնեց, որ դատարանը իրեն կալանավորելու միջնորդության հետ կապված խորհրդակցական սենյակ է հեռացել, որոշումը կհրապարակի կիրակի օրը։ 

Նա նաև ասաց. «Պատրաստ եմ ինքնակամ գնալ ու պատիժ կրել, եթե այս աղքատության և տնտեսական անկման մեջ մեղավոր եմ, պատճառը ես եմ»։ 

Հիշեցնենք, որ գործի քննությունը սկսվել է հունիսի 17-ից։ Գ. Ծառուկյանին կալանավորելու միջնորդությունը է ներկայացրել ԱԱԾ-ն։ Միջնորդությունը քննում է Երևանի ընդհանուր իրավասության դատարանի դատավոր Ռոբերտ Պապոյանը։

ԱԱԾ-ում քրեական գործեր են հարուցվել Գագիկ Ծառուկյանի դեմ։ ԲՀԿ առաջնորդը դրանք համարում է սարքած գործեր քաղաքական նպատակներով, քանի որ հետապնդումները սկսել են կուսակցության քաղխորհրդի նիստում իշխանություններին ուղղված քննադատություններից հետո։
Հունիսի 16-ին ԱԺ «Իմ քայլը» խմբակցության 87 պատգամավորներ փակ գաղտնի քվեարկությամբ նախ զրկել են նրան անձեռնմխելիությունից, ապա համաձայնություն տվել նրան ազատությունից զրկելու հարցին։