Աշխարհում ավելի քան 8.4 միլիոն մարդ վարակվել է կորոնավիրուսով

Ամբողջ աշխարհում կորոնավիրուսային հիվանդություն է հայտնաբերվել 8,488,976 մարդու մոտ, փոխանցում է «Գազետա.ռու»-ն՝ հղում տալով Ջոն Հոփկինսի համալսարանի տվյալներին։

Նշվում է, որ հիվանդության հետևանքով մահացել է 453,981 քաղաքացի, բուժվածների թիվը  4,155,099 է։

Կորոնավիրուսային հիվանդության դեպքերի մեծ մասը հայտնաբերվել է ԱՄՆ-ում` 2,191,052: Այնտեղ հիվանդության հետևանքով մահացել է 118,434 մարդ, վերականգնվել է 599,115 քաղաքացի։