20.06.2020. Կորոնավիրուսով 16 հիվանդ է մահացել

Նախորդ օրվա ընթացքում կորոնավիրուս է հաստատվել ևս 551  մարդու մոտ, մեկ օրվա ընթացքում կորոնավիրուսով  16 հիվանդ է մահացել։ Մեկ օրվա ընթացքում առողջացել է 588  մարդ։

Առողջապահության նախարարությունից մահվան դեպքերի վերաբերյալ հայտնում են, որ պացիենտները եղել են 77 (տղամարդ), 59 (տղամարդ), 66 (կին), 76 (տղամարդ), 84 (տղամարդ), 55 (տղամարդ), 85 (տղամարդ), 43 (տղամարդ), 70 (տղամարդ), 50 (տղամարդ), 70 (տղամարդ), 56 (տղամարդ) և 38 (կին) տարեկան: Բացի վերջինից, բոլորն ունեցել են ուղեկցող քրոնիկական հիվանդություններ։

ԱՆ հաղորդմամբ, նախորդ օրն արձանագրվել է «մահվան 3 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 113 է»:

Հունիսի 20-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 19708 դեպք, որոնցից 8854-ն` առողջացած, 445-ը` մահվան ելքով, որից 113-ը, ըստ ԱՆ-ի, «այլ հիվանդությանից»: Կորոնավիրուսային հիվանդությամբ այս պահին փաստացի բուժում է ստանում 10409 պացիենտ: Ընդհանուր առմամբ կատարվել է 93786 թեստավորում: