American Airlines-ին դատի են տվել ռասիզմի համար

Ուղևորները կոլեկտիվ հայց են ներկայացրել ընդդեմ American Airlines ավիաընկերության, քանի որ սևամորթ տղամարդուն հանել են չվերթից։ Գազետա.ռու-ի հաղորդմամբ, հայցում նշված է, որ սևամորթ ուղևորը խնդրել է փոխել տեղը ազատ տեղերի առկայության դեպքում, սակայն բորտուղեկցորդը նրան կտրուկ մերժումով է պատասխանել։ Դրանից հետո ուղևորը վերադարձել է իր տեղը, սակայն նրան են մոտեցել անվտանգության աշխատակիցները և խնդրել են լքել ինքնաթիռը։

Տղամարդուն աջակցել են մի քանի այլ ուղևորներ, որոնց ևս հեռացրել են չվերթից։ Ավիաընկերության ներկայացուցչի խոսքով, հայցում ներկայացված չէ կատարվածի լիարժեք ու ճշգրիտ նկարագրությունը։