Համավարակի առաջին օրվանից հետևել ենք ՀՀ առողջապահության նախարարության թելադրանքին. Զարեհ Սինանյան

Կորոնավիրուսի դեմ պայքարի հաղթահարման ուղին անհնարին կլիներ իրականացնել առանց ՀՀ այլ գործընկերների, որոնք այս պահին ևս աջակցում են: Այս մասին  առցանց մամուլի ասուլիսի ընթացքում ասաց  ՀՀ սփյուռքի գործերի գլխավոր հանձնակատար Զարեհ Սինանյանը:

«Ուզում եմ շնորհակալություն հայտնել ԱՄՆ դեսպանին, ում շնորհիվ  ֆրանսիական բժիշկների թիմի ներկայությունը Հայաստանում հնարավոր դարձավ:  Նաև ֆրանսիացի բժիշկներին ՝ արագ արձագանքելու համար: Այսօր  բժիշկների երկրորդ խումբը կգա Հայաստան»,- տեղեկացրեց ՀՀ սփյուռքի գործերի գլխավոր հանձնակատարը:

Անդրադառնալով սփյուքի աջակցությանը Հայաստանին,  Սինանյանը տեղեկացրեց, որ այս ուղղությամբ շատ աշխատանքներ է տարվել:

«Համավարակի առաջին օրվանից հետևել ենք  ՀՀ առողջապահության նախարարության  թելադրանքին: Նրանք  մեզ ուզեցույց են տվել,թե  ինչով կարող ենք աջակցել Հայաստանին:  Շատ աշխատանք է տարվել՝ սկսած ԱՄՆ-ից առողջապահական գույք բերելուց մինչև ֆինանսների գոյացումը:  Տարբեր հայկական ընկերությունների և կազմակերպությունների միջոցով կարողացել ենք  Հայաստանի  համար այդ պահին շատ անհրաժեշտ առողջապահական գույք ձեռք բերել»,-ասաց Սինանյանը: