Ամենից շատ կարդացված նյութեր
.jpg "ԱՀԿ. Ամեն ինչ կարող էր ավելի վատ լինել")
Կորոնավիրուսի համավարակի պատճառով աշխարհում դիտվում է առևտրի պատմականորեն մեծ անկում, բայց ամեն ինչ կարող էր ավելի վատ լիներ: Եվրանյուզի հաղորդմամբ, նման եզրակացություն կա Առևտրի համաշխարհային կազմակերպության զեկույցում։
Համաճարակի ազդեցությունն արտադրության և առևտրի վրա մեղմելու համար մեծ նշանակություն ունեն ներկայիս քաղաքական որոշումները: Առևտրի համաշխարհային կազմակերպության գլխավոր տնօրեն Ռոբերտո Ազեվեդոյի խոսքով, հարկաբյուջետային, դրամավարկային և առևտրային քաղաքականությունը պետք է շարժվի նույն ուղղությամբ:
«Մենք բոլորս գիտենք, որ կորոնավիուսի համավարակը ազդում է համաշխարհային էկոնոմիկայի վրա և, որպես հետևանք, համաշխարհային առևտրի վրա: ԱՀԿ փորձագետները հրապարակել են նախնական կանխատեսում, ըստ նրանց գնահատականների, այս տարվա երկրորդ եռամսյակում համաշխարհային առևտուրը նախորդ տարվա համեմատ կնվազել է 18,5 տոկոսով։ Այդ անկումը պատմականորեն մեծ է, դիտարկումների ընթացքում ամենակտրուկը»,- ասել է Ռ. Ազեվեդոն։
Հաջորդ տարվա հեռանկարներն անորոշ են թվում. կորոնավիրուսի հավանական երկրորդ ալիքը, թույլ տնտեսական աճը և երկրների առևտրի սահմանափակումները կարող են ազդել վերականգնման վրա:
Studio One