Գագիկ Ծառուկյանին կալանավորելու միջնորդությունը վերաքննիչ դատարանը կքննարկի վաղը

ԱԺ «Բարգավաճ Հայաստան» խմբակցության ղեկավար Գագիկ Ծառուկյանի նկատմամբ կալանավորումը որպես խափանման միջոց կիրառելու միջնորդությունը մերժելու մասին դատարանի որոշման դեմ պաշտպանների և դատախազության ներկայացրած վերաքննիչ բողոքների քննությունը ՀՀ վերաքննիչ դատարանում կայանալու է վաղը՝ 02.07.2020թ. ժամը 12:00-ին։ Այս մասին տեղեկացնում է  Ծառուկյանի փաստաբան Երեմ Սարգսյանը։

Հիշեցնենք, որ Երևանի ընդհանուր իրավասության դատարանը չբավարարեց Գագիկ Ծառուկյանին կալանավորելու միջնորդությունը։