Կանսկի տեսափառատոնը կանցկացվի շուրջօրյա հեռարձակման ֆորմատով

Կանսկի 19-րդ միջազգային տեսափառատոնի մրցութային ծրագրում 35 ֆիլմ է 18 երկրից: Փառատոնը կանցկացվի օգոստոսի 23-29-ը: 

kulturomania.ru-ի հաղորդմամբ, այն կանցկացվի շուրջօրյա հեռարձակման ֆորմատով: Ներկայացված են կարճամետրաժ ֆիլմեր Ռուսաստանից, Մեծ Բրիտանիայից, ԱՄՆ-ից, Ֆրանսիայից, Իտալիայից, Գերմանիայից, Հնդկաստանից, Ճապոնիայից, Բրազիլիայից:

Բացի վավերագրական ու խաղարկային ֆիլմերից, մրցույթին մասնակցում են անիմացիոն ֆիլմեր, փորձարարական կինո և վիդեոարտ:

Փառատոնի արտ-տնօրեն Նադեժդա Բակուրաձեի խոսքով, ֆորմատի փոփոխության պատճառով փառատոնին մասնակցելուց հրաժարվել է ընդամենը 1-2 մասնակից: