Մեկ օրում Իրանում COVID-19-ի հետևանքով մահացել է 200 քաղաքացի

Կորոնավիրուսային հիվանդության հետևանքով մահերի թիվը Իրանում հասել է 11,9 հազարի։ Միայն նախորդ օրվա ընթացքում հիվանդությունից մահացել է 200 քաղաքացի։

«ՏԱՍՍ»-ը գրում է, որ նախորդ օրվա ընթացքում Իրանում հաստատվել է կորոնավիրուսային հիվանդության 2, 637 դեպք։ Ընդհանուր առմամբ, երկրում կորոնավիրուսով վարակվել է 245, 688 հոգի։

Իսլամական հանրապետությունում մահվան ռեկորդային նախորդ ցուցանիշը (163) գրանցվել է հուլիսի 5-ին:

Երկրի առողջապահության նախարարության տվյալներով, հիվանդությունը հաղթահարել է 207 հազար մարդ. երկրում կատարվել է կորոնավիրուսի 1846,793 թեստ: