Պոգբան կերկարացնի պայմանագիրը «Մանչեսթր Յունայթեդի» հետ

«Մանչեսթր Յունայթեդի»  ֆրանսիացի կիսապաշտպան Պոլ Պոգբան կերկարացնի պայմանագիրն անգլիական ակումբի հետ։ Գազետա.ռու կայքը, հղում անելով The Sun-ին, գրում է, որ կողմերը մոտ են նոր համաձայնագրի ստորագրմանը։  Պոգբայի ներկայիս պայմանագիրն ավարտվում է 2021 թվականին։ Մինչ այս հաղորդվել էր ֆրանսիացի ֆուտբոլիստի՝ թիմը լքելու ցանկության մասին։

Ընթացիկ մրցաշրջանում Պոգբան 16 խաղի ընթացքում մեկ գոլի հեղինակ է դարձել և չորս գոլային փոխանում է իրականացրել։