Իրանում կորոնավիրուսով հիվանդների թիվը հասել է 25 մլն-ի

Իրանում մինչև 25 մլն մարդ է վարակվել կորոնավիրուսով, առաջիկայում այդ թիվը կարող է մածանալ՝ հասնելով 30-35 մլն։ «Գազետա.ռու»-ի փոխանցմամբ, այս մասին հայտարարել է Իրանի նախագահ Հասան Ռոուհանին։

Նրա խոսքով, համավարակի 150 օրերի ընթացքում  երկրում մահացել է 14 հազար հիվանդ։  Վկայակոչելով մասնագետների կանխատեսումները՝ նա նշել է, որ մոտ ապագայում COVID-19 ախտորոշումով հոսպիտալացվածների թիվը կկրկնապատկվի։ Այս պահի տվյալներով համավարակի ողջ ընթացքում  հոսպիտալացվել է 250 հազար հիվանդ։

Ռոուհանիան նաև նշել է, որ իրանական առողջապահությունը հինգ դեղամիջոց է օգտագործում կորոնավիրուսի դեմ։