Եվրամիությունն իր պատմության մեջ առաջին անգամ պատժամիջոցներ է սահմանում կիբերհարձակումների համար

Եվրամիությունն իր պատմության մեջ առաջին անգամ պատժամիջոցներ է սահմանում կիբերհարձակումների համար։ Ակտիվների սառեցում և մուտքի արգելք է սպառնում 6 անձի, որոնցից 4 ռուսներին կասկածում են Հաագայում Քիմիական զենքի արգելման կազմակերպության համակարգչային համակարգը կոտրելու փորձի մեջ։ Այս մասին գրում է Euronews-ը։

Նիդերլանդների ԱԳ նախարարը թվիթերում ողջունել է հաքերներին պատժելու նոր իրավասությունները, որոնց մասին ԵՄ անդամ երկրները պայմանավորվել էին դեռևս 2019-ի մայիսին։

Սահմանափակումներ են ներկայացվում նաև երեք կազմակերպությունների նկատմամբ, որոնց մեջ է ՌԴ Զինված ուժերի գլխավոր շտաբի հատուկ տեխնոլոգիաների կենտրոնը։