ՄԱԿ-ը նախազգուշացնում է․ դպրոցների փակ լինելը կարող է լինել «սերնդի աղետ»

ՄԱԿ-ի գլխավոր քարտուղար Անտոնիո Գուտերեշը նախազգուշացնում է, որ աշխարհը բախվում է «սերնդի աղետի» հետ՝ կորոնավիրուսի պատճառով դպրոցների փակ լինելու պատճառով։ Գլխավոր քարտուղարն ասում է, որ աշակերտներին անվտանգ դասարան վերադարձնելը պետք է լինի «գերակա առաջնահերթություն»: Այս մասին գրում է The Guardian-ը։

Գուտերեշը նշել է, որ հուլիսի կեսի դրությամբ դպրոցները փակվել են մոտ 160 երկրներում՝ ազդելով ավելի քան 1 միլիարդ աշակերտների վրա, մինչդեռ առնվազն 40 միլիոն երեխա բաց է թողել նախադպրոցական կրթությունը:

Գուտերեշը նշել է, որ նախքան համավարակն ամբողջ աշխարհում ավելի քան 250 մլն երեխա զրկված էր դպրոց հաճախելու հնարավորությունից:

«Հիմա մենք կանգնած ենք մի սերնդի աղետի առաջ, որը կարող է վատնել մարդկության չպատմված ներուժը, խաթարել տասնամյակների առաջընթացը և սրել անհավասարությունները», - ասել է Գուտերեշը՝ ՄԱԿ-ի «Փրկեք մեր ապագան» արշավի մեկնարկի ուղերձում։