ՌԴ մեկնել ցանկացող քաղաքացիներն ակցիա են իրականացնում երեխաների հետ

Կորոնավիրուսի համավարակով պայմանավորված ՌԴ մեկնելու անհնարինությունից դժգոհ Հայաստանի մի շարք քաղաքացիներ այսօր կրկին կառավարության շենքի դիմաց էին եկել։ Այս անգամ նրանք իրենց հետ բերել էին նաև անչափահաս երեխաներին։

Հիշեցնենք, որ շաբաթներ շարունակ նրանք բարձրաձայնում են իրենց խնդիրների մասին, որոնք առաջացել են Հայաստանում ստիպված մնալու հետևանքով։ Մեկի ընտանիքն է մասնատվել, մյուսի գումարն է վերջացել, մեկը ապրելու տեղ չունի, մեկն այստեղ աշխատանք չի գտնում։

Նրանք իրենց դժգոհությունն ու դրա պատճառները ներկայացրել են թե ԱԳ նախարարին, թե ԱԺ փոխնախագահին, սակայն խնդիրն այդպես էլ լուծում չի ստանում։