Ինչո՞ւ է ԱՀԿ-ն կասեցրել COVID-19-ի դեմ «AstraZeneca» պատվաստանյութի փորձարկումները

Առողջապահության համաշխարհային կազմակերպությունը (ԱՀԿ), մեկնաբանելով բրիտանական «AstraZeneca» կորոնավիրուսային պատվաստանյութի փորձարկումների կասեցումը, ասել է, որ դա սովորական երևույթ է, քանի որ դեղամիջոցների արտադրության գործում ամենակարևորը անվտանգության ապահովումն է, փոխանցում է «ՌԻԱ Նովոստի»-ն։

«Մենք ուրախ ենք նշել, որ պատվաստանյութեր մշակողները ապահովում են փորձարկումների գիտական հիմնավորվածությունը և հետևում պատվաստանյութերի մշակման ստանդարտ սկզբունքներին և ուղեցույցներին», - հայտնել են ԱՀԿ-ից։

Ավելի վաղ հաղորդվել էր, որ «AstraZeneca» պատվաստանյութի կլինիկական փորձարկումները կասեցվել են բրիտանացի մասնակիցներից մեկի մոտ ի հայտ եկած անցանկալի հետևանքի պատճառով: Ընկերության խոսնակը ասել էր, որ «AstraZeneca»- ն մտադիր է արագացնել գործի վերանայումը `փորձարկման ընթացքում հնարավոր վատ  ազդեցությունը նվազագույնի հասցնելու համար: Ըստ ընկերության ներկայացուցչի պատվաստանյութի փորձարկման կասեցումը սովորական է և անհրաժեշտ է նման դեպքերում: Թե որքան կտևի կլինիկական հետազոտությունների կասեցումը, դեռ հայտնի չէ: