Աբխազիայում ռուս զբոսաշրջիկ է մահացել

Աբխազիայում մահացել է Ռուսաստանից ժամանած տարեց զբոսաշրջիկ: Ենթադրվում է, որ նա սրտի կաթվածի հետևանքով է մահացել: «Ինտերֆաքս»-ի փոխանցմամբ, նման տեղեկություն է տարածել հանրապետության առողջապահության նախարարությունը:

Նշվում է, որ Սուխումի մի կլինիկա են տեղափոխել սրտի կաթված ստացած 78-ամյա ռուս կնոջ, սակայն բժիշկները չեն կարողացել փրկել նրա կյանքը: Մահվան նախնական պատճառը սրտի կաթվածն է:

Բժիշկները կնոջ մահը չեն կապում COVID-19- ի հետ: Նրանք իրենց աշխատանքի վերաբերյալ փաստաթղթեր կազմել և հանձնել են Ռուսաստանի դեսպանատանը:

Կինը Վլադիմիրի մարզի Կովրով քաղաքից Աբխազիա հանգստանալու էր եկել իր դստեր հետ: