Ամենից շատ կարդացված նյութեր
.jpg "Դատարանը դռնփակ շարունակում է Ռոբերտ Քոչարյանի և մյուսների գործով դատավարությունը")
Դատարանը դռնփակ շարունակում է Ռոբերտ Քոչարյանի և մյուսների գործով դատավարությունը
Երևանի ընդհանուր իրավասության դատարանում` նախագահությամբ դատավոր Աննա Դանիբեկյանի, (Շենգավիթի նստավայր) շարունակվում է սահմանադրական կարգի ենթադրյալ տապալման գործով քննությունը։ Գործով անցնում են ՀՀ երկրորդ նախագահ Ռոբերտ Քոչարյանը, Սեյրան Օհանյանը, Արմեն Գևորգյանը և Յուրի Խաչատուրովը։
Սեպտեմբերի 8-ի նիստն դատարանը դռնփակ ռեժիմով քննարկում էր Ռոբերտ Քոչարյանի գույքի վրա դրված արգելանքը վերացնելու միջնորդությունը: Դատարանը պահանջել էր Ռոբերտ Քոչարյանի արգելանքի տակ գտնվող գույքի և բանկային հաշիվների վերաբերյալ ամբողջական տեղեկություն տրամադրել։ Պաշտպան Արամ Վարդևանյանը հայտարարել էր, որ պատրաստ է ներկայացնել անհրաժեշտ տեղեկությունը։
Դռնփակ նիստի ընթացքում անհրաժեշտություն էր առաջացել ներկայացված փաստաթղթերը լրացուցիչ ուսումնասիրել։
Նշենք, որ այս պահին դատարանի դիմաց կրկին հավաքվել են Ռ.Քոչարյանի աջակիցները՝ «Նիկոլ մարդասպան» գրությամբ պաստառներով:
Studio One