Ռոնալդուն IFFHS-ից ստացել է լավագույն միջազգային հարձակվողի մրցանակը

Պորտուգալիայի ազգային հավաքականի և թուրինյան «Յուվենտուսի» հարձակվող Քրիշտիանու Ռոնալդուն IFFHS-ից ստացել է լավագույն միջազգային հարձակվողի մրցանակը։

sport.ru-ն գրում է, որ պորտուգալացուն հանձնել են մրցանակը, որը նախատեսված է միջազգային մրցաշարերի լավագույն ռմբարկուին՝ հավաքականի և ակումբի կազմում ողջ օրացուցային տարվա ընթացքում։ 2019 թվականի ընթացքում Ռոնալդուն 21 գոլ է խփել, 14-ը՝ հավաքականի կազմում և 7-ը՝ Չեմպիոնների լիգայում, սակայն մրցանակը հանձնվել է միայն հիմա։