Թռչունները համաճարակի պատճառով սկսել են ավելի ցածրաձայն ու «սեքսուալ» դայլայլել

Սան Ֆրանցիսկոյի բնապահպանները պարզել են, որ արու թռչունները սկսել են շատ ավելի մեղմ երգել՝ էգերին գրավելու համար: «ՌԻԱ նովոստի»-ի փոխանցմամբ, հետազոտության նման արդյունքներ է հրապարակել «phys.org» կայքը:

Այս փոփոխության պատճառը Կալիֆոռնիայում ներդրված ընդհանուր կարանտինն էր: Հոդվածում ասվում է, որ քաղաքի աղմուկը թռչուններին ստիպում էր շատ ավելի բարձր դայլայլել, բայց Սան Ֆրանցիսկոյում սահմանափակման միջոցառումներ մտցնելուց հետո նրանց երգը մոտ մեկ երրորդով ավելի մեղեդային և ցածրաձայն է դարձել:

Հետազոտության հեղինակները ցույց են տվել, թե որքան արագ են թռչունները հարմարվում շրջակա միջավայրի փոփոխություններին և առաջարկել են, որ ձայնային աղտոտումը նվազեցնելու երկարաժամկետ միջոցառումները կարող են հանգեցնել կենդանական աշխարհում տեսակների ավելի մեծ բազմազանության: