Ամենից շատ կարդացված նյութեր
.jpg "Սահմանին լարվածության պատճառով՝ Հայաստանում ու Ադրբեջանում ԱՄՆ դեսպանատները անվտանգության տագնապ են հայտարարել")
Սահմանին լարվածության պատճառով՝ Հայաստանում ու Ադրբեջանում ԱՄՆ դեսպանատները անվտանգության տագնապ են հայտարարել
Հայաստանում ԱՄՆ դեսպանատունը ԱՄՆ քաղաքացիներին հորդորում է զգոնություն պահպանել և զգուշություն ցուցաբերել` Հայաստան-Ադրբեջան սահմանի որոշ հատվածներում բարձր լարվածության և վերջերս տեղի ունեցած բռնությունների պատճառով: ՀՀ-ում ԱՄՆ դեսպանատունը ԱՄՆ քաղաքացիներին կոչ է անում խուսափել շփման գծի և սահմանի մոտակայքից` M4 մայրուղուց դեպի արևելք ու Դիլիջան ազգային պարկից հյուսիս գտնվող M16 մայրուղիներից մինչև Վրաստանի հետ սահման Տավուշի մարզ:
«Մի ճանապարհորդեք դեպի Լեռնային Ղարաբաղի տարածաշրջան»,-ասվում է նախօրեին տարածված հայտարարության մեջ։
ԱՄՆ դեսպանատունը խրախուսում է ԱՄՆ քաղաքացիներինհետևել տեղական լուրերին։
«Դեսպանությունը կշարունակի վերահսկել անվտանգային իրավիճակը և անհրաժեշտության դեպքում կտրամադրի լրացուցիչ տեղեկություններ»,-ասվում է հայտարարությունում:
ԱՄՆ դեսպանատունը հորդորում է նաև կատարել հետևյալ գործողությունները՝
• Մոնիտորինգ անել տեղական լրատվամիջոցները՝ թարմացումների համար:
• Խուսափել մարդկանց բազմությունից:
• Խուսափել ցույցերից:
• Ընկերներին և ընտանիքին տեղեկացնել իրենց անվտանգության մասին:
• Զգույշ լինել շրջապատում:
Նշենք, որ համանման հայտարարություն է տարածել նաև Ադրբեջանում ԱՄՆ դեսպանատունը՝ հորդորելով դուրս չգալ Աբշերոնի թերակղզուց։
Studio One