Բանաստեղծ Սոկրատ Խանյանը՝ ապաստարանից. «Մենք կկռվենք էլ, կապրենք էլ ու կարարենք էլ»

Հայ դաշնակահար։ ՀՀ վաստակավոր արտիստ Հայկ Մելիքյանը գրում է. «Իմ թանկագին 90-ամյա պապս՝ բանաստեղծ Սոկրատ Խանյանը, ով Արցախի Հանրապետության վաստակավոր գործիչ է, հիմա Ստեփանակերտում է՝ ապաստարանում, ու շարունակում է ստեղծագործել, ինձ էլ կարճ զանգի միջոցով խրատեց ու ասաց՝ չդադարես ստեղծագործել, մեր ուժն այդ է․ «Մենք կկռվենք էլ, կապրենք էլ ու կարարենք էլ»»։

Նա նաև հրապարակել է սեպտեմբերի 27-ին գրված պապի բանաստեղծություն-կոչը։ 

Հիշեցնենք՝  սեպտեմբերի 27-ին ժամը 07:15-ի սահմաններում, Ադրբեջանը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական ողջ շփման գծով։