Մարտակերտ. Ադրբեջանի հրետակոծությունից տուժած տուն

Արցախի տեղեկատվական շտաբը Արցախի դեմ ադրբեջանական ագրեսիայի ընթացքում Մարտակերտ քաղաքում թշնամական համազարկային կրակի ռեակտիվ համակարգի (ՀԿՌՀ) հրետակոծությունից տուժած քաղաքացիական տան լուսանկարներ է հրապարակել: 

Երեկ Արցախի ՄԻՊ ԱՐտակ Բեգլարյանը հայտնել էր, որ ադրբեջանական զինված ուժերի կողմից Մարտակերտ քաղաքի քաղաքացիական օբյեկտների ռմբակոծության հետևանքով երեք քաղաքացիական անձ է զոհվել՝ երկու կին և մեկ տղամարդ, իսկ մեկը՝ վիրավորվել է:

Հիշեցնենք՝  սեպտեմբերի 27-ին ժամը 07:15-ի սահմաններում, Ադրբեջանը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական ողջ շփման գծով։ Հրետակոծվել են նաև խաղաղ բնակավայրերը, այդ թվում մայրաքաղաք Ստեփանակերտը: Բնակչությանը կոչ է արվել պատսպարվել։