Իրանի խորհրդարանի անդամներն այցելել են Լեռնային Ղարաբաղի սահման

Իրանի խորհրդարանի ազգային անվտանգության և արտաքին քաղաքականության հանձնաժողովի խոսնակ Աբոլֆազլ Ամուին հայտնել է, որ «այսօր առավոտյան խորհրդարանի  անվտանգության և արտաքին քաղաքականության հանձնաժողովի մի շարք անդամներ այցելել են Լեռնային Ղարաբաղի շրջանի սահմանամերձ տարածք»: Այս մասին գրում է Mehr գործակալությունը։

«Այցը նպատակ ուներ լինել սահմանին և քննարկել հարցեր, որոնք վերաբերում են Լեռնային Ղարաբաղում վերջին զարգացումներին և Հայաստանի և Ադրբեջանի միջև տեղի ունեցած իրադարձություններին», - ասել է խոսնակը, հավելելով, որ այցի ընթացքում կքննարկվեն Իրանի սահմանային շրջաններում Լեռնային Ղարաբաղի տարածաշրջանում տեղի ունեցող զարգացումների հետևանքները։

Նշվում է, որ Լեռնային Ղարաբաղի տարածաշրջանի շուրջ Հայաստանի և Ադրբեջանի միջև ռազմական բախումների արդյունքում ավելի քան 20 արկ է հարվածել Իրանի Ասլանդոզ շրջանին՝ Արդաբիլի հյուսիս-արևմուտքում:

Թեհրանը նշել է զինադադարի անհրաժեշտությունը և վեճը երկխոսության միջոցով լուծելու անհրաժեշտությունը՝ միևնույն ժամանակ նախազգուշացնելով երկու կողմերին էլ իրանական հողի վրա սխալ կրակ արձակելու անթույլատրելիության մասին: