Արցախի ՄԻՊ-ի կոչը՝ միջազգային հանրությանը. «Կույր մի եղեք, դադարեք խոսել, սկսեք գործել»

Արցախի մարդու իրավունքների պաշտպան Արտակ Բեգլարյանը միջազգային հանրության ուշադրությունն է հրավիրում Ադրբեջանի զինված ուժերի կողմից ռազմական հանցագործությունների հետևանքով Արցախում ստեղծված հումանիտար ճգնաժամի վրա։

Քիչ առաջ ՄԻՊ ֆեյսբուքյան էջում հրապարակված տեսաուղերձում Բեգլարյանը պատմում է, որ Ադրբեջանն օրեր շարունակ թիրախավորում է խաղաղ բնակչությանն ու քաղաքացիական ենթակառուցվածքները, ինչի հետևանքով տասնյակ զոհեր ու ավելի շատ վիրավորներ կան։

Այսօր էլ Ադրբեջանը հրետակոծել է մայրաքաղաք Ստեփանակերտը՝  թիրախավորել է քաղաքացիական ենթակառուցվածքները, ինչը հանգեցրել է բազմաթիվ տուժածների։

«Արցախում հումանիտար ճգնաժամ է։ Միջազգային հանրությանն ուղղված իմ կոչն է՝ արձագանքել պաշտճած կերպով, դադարել խոսել ու սկսկել գործել։ Կույր մի եղեք»,-ընդգծում է Արտակ Բեգլարյանը։