Ամենից շատ կարդացված նյութեր
.jpg "Ժոզեպ Բորել․ ԵՄ-ն ծայրաստիճան անհանգստացած է ռազմական գործողությունների շարունակման մասին հաղորդագրություններով")
Ժոզեպ Բորել․ ԵՄ-ն ծայրաստիճան անհանգստացած է ռազմական գործողությունների շարունակման մասին հաղորդագրություններով
ԵՄ-ն ողջունում է հոկտեմբերի 10-ին ձեռք բերված համաձայնությունը Հայաստանի և Ադրբեջանի միջև հումանիտար զինադադարի մասին: Այս մասին ասվում է նախօրեի երեկոյան Եվրամիության անվտանգության և արտաքին քաղաքականության հարցերով բարձր ներկայացուցիչ Ժոզեպ Բորելի հայտարարության մեջ։
Նշվում է, որ ԵՄ-ն կողմերին հորդորում է խստորեն պահպանել այս համաձայնագիրը և կոչ է անում բոլոր դերակատարներին, ներառյալ արտաքին կողմերին, ձեռնպահ մնալ գործողություններից, որոնք կարող են հանգեցնել հետագա զոհերի:
«Այս առումով, մենք ծայրաստիճան անհանգստացած ենք ռազմական գործողությունների շարունակման մասին հաղորդագրություններով, այդ թվում՝ քաղաքացիական թիրախների դեմ, ինչպես նաև քաղաքացիական կորուստների մասին, և կողմերին հորդորում ենք ապահովել համաձայնության լիակատար հարգումը տեղում:
ԵՄ-ն կողմերին կոչ է անում առանց հապաղելու առարկայական բանակցություններ վարել ԵԱՀԿ Մինսկի խմբի համանախագահների հովանու ներքո՝ առանց նախապայմանների և համաձայնեցված սկզբունքների հիման վրա:
ԵՄ-ն շարունակում է աջակցել ԵԱՀԿ Մինսկի խմբի համանախագահների աշխատանքին` հակամարտությանը բանակցային քաղաքական լուծում գտնելու հարցում և կշարունակի ջանքեր գործադրել տարածաշրջանում կայուն խաղաղություն հաստատելու ուղղությամբ»,-ասվում է հայտարարության մեջ:
Studio One