Ադրբեջանական հարվածներից վնասված Ղազանչեցոց եկեղեցին

Հայկական միասնական տեղեկատվական կենտրոնը ներկայացրել է Պաբլո Գոնսալեսի տեսանյութը՝ Շուշիի Սուրբ Ղազանչեցոց եկեղեցին ադրբեջանական հարվածներից հետո:

Հիշեցնենք, որ հոկտեմբերի 8-ին Ադրբեջանը երկու անգամ հարվածել է Շուշիի խորհրդանիշին՝ Ղազանչեցոց եկեղուցուն։

Ղազանչեցոց եկեղեցին համարվում է Արցախի հոգևոր ամենախոշոր կառույցներից մեկը: Ղազանչեցոց եկեղեցին XIX դարի հայկական ճարտարապետական արվեստի ուժի և հայ շինարարի կառուցող լինելու հանճարի վկայությունն է:

Պատերազմի տարիներին՝ 1989-ից, վանքը դարձել էր զինապահեստ, դրանից առաջ էլ ադրբեջանցիերը այն վերածել էին անասնագոմի: Արցախյան գոյամատի ընթացքում գնդակոծված Շուշիում զգալի վնասվել էր նաև Ղազանչեցոց եկեղեցին: Եկեղեցին վերջնականապես նորոգվել է մայիսյան հաղթանակից հետո՝ 1994-1998 թվականներին: