Զոհրաբ Մնացականյան․ Ադրբեջանը շարունակում է տորպեդահարել հրադադարի համաձայնությունը

Հայաստանի արտաքին գործերի նախարար Զոհրաբ Մնացականյանը նշում է, որ Ադրբեջանը շարունակում է տորպեդահարել հրադադարի համաձայնությունը։

«Կրակի դադարեցման վերաբերյալ հոկտեմբերի 10-ի Մոսկվայի համատեղ հայտարարությունից հինգ օր է անցել, և Ադրբեջանը շարունակում է տորպեդահարել դրա իրագործումը: Թուրքիայի և ահաբեկչական զինյալների աջակցությամբ և անմիջական ներգրավմամբ նրանք շարունակում են լայնածավալ պատերազմն ընդդեմ  Արցախի»,-թվիթերում գրել է ԱԳ նախարարը։

Նշենք, որ համաձայն պայմանավորվածության 2020թ. հոկտեմբերի 10-ի ժամը 12:00-ից մարդասիրական նպատակներով հայտարարվում էր կրակի դադարեցման մասին` ռազմագերիների և պահվող այլ անձանց, զոհվածների մարմինների փոխանակման համար` Կարմիր Խաչի Միջազգային Կոմիտեի միջնորդությամբ և վերջինիս չափանիշների համաձայն։ 
 

Five days into the Moscow Joint Statement of 10 October on cessation of fire, and #Azerbaijan continues to torpedo its implementation. With the support & direct involvement of #Turkey and #terrorist fighters they continue large scale war against #Artsakh/#NagornoKarabakh

— Zohrab Mnatsakanyan (@ZMnatsakanyan) October 15, 2020