Սերգեյ Սմբատյան. Միանում եմ ՅՈւՆԻՍԵՖ-ի բարի կամքի տարբեր տարիների հայ դեսպանների կոչին

Հայաստանի պետական սիմֆոնիկ նվագախմբի գեղարվեստական ղեկավար, հայտնի դիրիժոր, ջութակահար Սերգեյ Սմբատյանը ֆեյսբուքյան իր էջում հայտարարել է.

«Ես միանում եմ ՅՈւՆԻՍԵՖ-ի բարի կամքի տարբեր տարիների հայ դեսպանների կոչին՝ ուղղված կազմակերպության գործադիր տնօրեն Հենրիետա Ֆորին:

ՅՈւՆԻՍԵՖ-ի ղեկավարությանը, ՄԱԿ-ի հարակից կառույցներին և այլ բարի կամքի դեսպանների կոչ է արվում Ադրբեջանի կողմից իրականացվող լայնամասշտաբ ռազմական հարձակման այս օրերին չլռել, կատարել համարձակ քայլեր՝ փրկելով մարդկանց կյանքեր, որոնք դառնում են անողոք վայրագությունների զոհեր։

Կոչ է արվում նաև օգնության ձեռք մեկնել և գործել անհապաղ՝ կանխելու համար հետագա արյունահեղությունները, ապահովել բոլոր մանուկների անվտանգ կյանքը՝ զերծ հոգեբանական ցնցումներից և տառապանքներից»։

Նա իր էջում վերահրապարակել է ՄԱԿ-ի մանկական հիմնադրամի բարի կամքի դեսպանների կոչը։