Տարածաշրջանային երկրներն այս իրողությանը չեն դրսևորել լուրջ հակազդեցություն. Փաշինյան

«Միջազգային մակարդակով հաստատվել է, որ ռազմական գործողություններին մասնակցելու նպատակով Սիրիայից վարձկան ահաբեկիչներ են տեղափոխվում տարածաշրջան Թուրքիայի միջոցով, որը լրջագույն վտանգներ է ստեղծում տարածաշրջանի համար: Ցավոք տարածաշրջանային երկրներն այս իրողությանը չեն դրսևորել լուրջ հակազդեցություն»,-  Իրանում ՀՀ դեսպանության հաղորդմամբ, «Իրան» օրաթերթին տված հարցազրույցում ասել էՀՀ վարչապետ Նիկոլ Փաշինյանը: 

Նրա խոսքով, կասկածից վեր է, որ արտաքին ահաբեկիչների ներկայությունը ստեղծելու է այնպիսի սպառնալիքներ, որոնց տարածաշրջանային հետևանքներն ապագայում են երևալու:

«Տարածաշրջանային երկրները պետք է ավելի լուրջ մոտենան այս խնդրին»,- նշել է վարչապետ Ն. Փաշինյանը: