ԱՄՆ դեսպանատունը զգուշացնում է Բաքվում ահաբեկչական գործողությունների վտանգի մասին

Բաքվում ԱՄն դեսպանատունը ստացել է հավաստի տվյալներ Բաքվում ամերիկացիների ու այլ ազգությունների ներկայացուցիների նկատմամբ հնարավոր ահաբեկչական գործողությունների և առևանգումների մասին։ Ահաբեկչության թիրախ կարող է դառնալ նաև «Մարիոթթ Աբշերոն» հյուրանոցը, ինչպես նաև Բաքվում այլ հասցեներ։

ԱՄՆ քաղաքացիներին խորհուրդ է տրվում ցուցաբերել մեծ զգուշություն այն վայրերում, որտեղ կարող են հավաքվել ամերիկացիներ կամ օտարերկրացիներ:

Ադրբեջանում ԱՄն դեսպանատունն այդ երկրում գտնվող իր քաղաքացիներին հորդորում է.

. Զույշ և զգոն լինել
.Խուսափել մարդաշատ վայրերից
.Մնալ հնարավորինս աննկատ
.Ուշադիր լինել իրենց շրջապատողների նկատմամբ
.Զգոն լինել այն վայրերում, որտեղ առավել հաճախ օտարերկրացիներ են այցելում
.Հետևել տեղական ԶԼՄ-ների թարմացումներին։
Դեսպանատունը կշարունակի հետևել անվտանգության հետ կապված իրադրությանն ու անհրաժեշտության դեպքում հանդես կգա հավելյալ տեղեկատվությամբ։

Հիշեցնենք, որ մեկ օր առաջ նույնաբովանդակ հայտարարություն էր տարածել Թուրքիայում ԱՄՆ դեսպանությունը։