Անմահացել է կոնսերվատորիայի ուսանող, տաղանդաշատ Գոռ Թումանյանը

Արցախյան ռազմաճակատում ծավալված մարտական գործողությունների ժամանակ անմահացել է Երևանի Կոմիտասի անվան պետական կոնսերվատորիայի ուսանող Գոռ Թումանյանը։

Armenian National Music ֆեյսբուքյան էջում ներկայացված է նրա կատարումներից մեկը՝ «Լեբլեբիջի Հոր-հոր աղա»։

Երեք շաբաթ առաջ տարածված մի տեսանյութում նա արդեն զինվորների հետ ավտոբուսում է,  կատարում է «Մեր անունն է հայկական բանակ» երգը, նրան ընկերակցում են ընկերները։ 

2018 թ. տաղանդաշատ երիգիչը  Թուրքիայից վերադարձել է գլխավոր՝ «Գրան պրի» մրցանակով։ 

«Իր սկիզբը սկսվել է հաղթանակով, շարունակվում է արդեն հաղթանակով։ Մեծ հույս ու շանսեր է տալիս մեզ, որ ապագայում կլինի լավ երգիչ»,- դեռ 2018-ին «Երկիր այսօրին» ասել էր Գոռի ուսուցչուհին։ Գոռն էլ Լա Սկալայում երգելու մասին էր երազում: