Կորոնավիրուսից մահացել է Գուրգեն Եղիազարյանը

Մահացել է քաղաքական գործիչ, «Համայն հայություն» ՀԿ նախագահ Գուրգեն Եղիազարյանը։ Նա վարակվել էր կորոնավիրուսով և վերջին օրերին բուժում էր ստանում «Սուրբ Աստվածամայր» բժշկական կենտրոնում։ Այս մասին գրում է «Հրապարակ»-ը։ 

Գուրգեն Եղիազարյանը ծնվել էր 1948 թվականին՝ Երևանում:

1987-1990 թվականներին սովորել էր ԽՍՀՄ ներքին գործերի նախարարության ակադեմիայում։ Իրավաբան է։

1976 թվականից տարբեր պաշտոններ էր զբաղեցրել ՀԽՍՀ ազգային անվտանգության համակարգում, հետախուզական բաժնի պետ, 7-րդ բաժնի կառավարման ղեկավար։ Ազգային անվտանգության նախարարի տեղակալ։

1999-2003 թվականներին եղել էր Ազգային ժողովի պատգամավոր։ Նաև եղել է պաշտպանության, ազգային անվտանգության և ներքին գործերին մշտական հանձնաժողովների անդամ։