Ամենից շատ կարդացված նյութեր
.jpg "ՊՆ ներկայացուցիչ. Հայկական զինված ուժերին հաջողվել է դիրքերի որոշակի բարելավում իրականացնել")
ՊՆ ներկայացուցիչ. Հայկական զինված ուժերին հաջողվել է դիրքերի որոշակի բարելավում իրականացնել
«Այսօր ողջ օրը ռազմական գործողությունները շարունակվել են ռազմաճակատի ողջ երկայնքով, սակայն ոչ մեծ ինտենսիվությամբ»,- տեղեկատվական կենտրոնում հայտնեց ՊՆ ներկայացուցիչ Արծրուն Հովհաննիսյանը՝ ներկայացնելով առաջնագծում տիրող իրավիճակը։
Նրա խոսքով, հարավային հատվածում՝ Բերձորից մինչև Արաքսի ափն ընկած հատվածում ռազմաճակատային բնագծի ուղղությամբ եղել են որոշակի մարտական գործողություններ, հայկական զինված ուժերին հաջողվել է որոշակի դիրքերի բարելավում իրականացնել։
Այսօր Մարտունու և Ասկերանի շրջանների գյուղերում՝ հիմնականում փոքր բնակավայրերի անտառային հատվածներում շարունակվել են դիվերսիոն խմբերի դեմ մարտական գործողությունները, այսօր դրանք եղել են Ավետարանոց և դեպի Սղնախ գյուղի տարածքում, հարակից բլուրներում ու անտառային զանգվածում։
«Դիվերսիոն խմբերը ներթափանցում են տարբեր ուղղություններով, նրանց դեմ պայքարը ենթադրում է մարտական գործողությունների այլ ձև, մարտավարություն, ինչը 5-րդ սերնդի պատերազմին բնորոշ մարտեր չեն»,- ասաց ՊՆ ներկայացուցիչը։
Նա հիշեցրեց, որ օրվա ընթացքում ադրբեջանական ուժերը շարունակել են հրետակոծել Արցախի խաղաղ բնակավայրերը՝ տարբեր ուղղություններով՝ կիրառելով հրետանային ու հրթիռային միջոցներ։
Studio One