Կոչ ենք անում ճանաչել Արցախի անկախությունը և նրա ինքնորոշման իրավունքը. Հենրիխ Մխիթարյան

Հայաստանի ազգային հավաքականի և «Ռոմա»-ի կիսապաշտպան Հենրիխ Մխիթարյանն անդրադարձել է արցախա-ադրբեջանական շփման գծում տեղի ունեցող իրավիճակին, ինչպես նաև խաղաղ բնակչության նկատմամբ ադրբեջանական բանակի գործադրած ագրեսիային։

«Արցախի հայերը խաղաղություն են ուզում: Հակամարտության սրման աճի, ինչպես նաև հայ անմեղ քաղաքացիական անձանց շարունակական թիրախավորման և նրանց ֆիզիկական ոչնչացման սպառնալիքի լույսի ներքո մենք միջազգային հանրությանը կոչ ենք անում ճանաչել Արցախի Հանրապետության անկախությունը և նրա ինքնորոշման իրավունքը։

#ArtsakhStrong #ArmeniaStrong #PeaceForArmenians»,- ֆեյսբուքյան իր էջում գրել է նա։